بقولك ايو 0000 بحبك

00000بحبك
كلمة اكيد هتمر على كل بنت لأول مرة في حياتها وهيكون ليها وقع ما عليها ممكن تستغرب لعدم التوقع مثلا ان الشخص ده يقولها ولمين؟؟؟ لها !!
وممكن تبتسم ابتسامة الانتصار بسبب احساسها الانثوي ان الجدع ميت في تراب شوزها وممكن وده الاكتر تفرح وتبتدي تلغي عقلها وتستخدم اكتر جزء حساس وهو القلب(العاطفة )
اسمحولي اوجه كلامي للبنات عامة والصغيرات سناوخبرة، الرجل اللي يقول لك بحبك هدفه حاجتين اما انه فعلا بيحبك وعايز يدخل البيت من بابه واما انه فاضي شويه وعايز يتسلى طيب الحل يكون ايه لمعرفة نواياه بيتهيألى احلى كلمة تتقال من البنت اللي ممكن يكون عندها حالتين برضه ان تكون معجبة بالاخ او ماتعرفش حاجة عنه
نسيبنا من اللي ماتعرفش حاجه عنه لأنها أكيد هتتصرف صح لأنها هتفكر بعقلها موش بعاطفتها
اما اللي ممكن تكون معجبه بيه هتفرح واحتمال اكبر تقول له وانا كمان بحبك
حبيبتي في الله كل شئ وليه منهج لو مشيتي عليه هتنجحي ان شاء الله وان بعدت عن المنهج هيحصل العكس بعد الشرررررررررر
طب يبقى الرد يكون ايه؟ في رأيي الرد هو بتحبني كلم بابا أو أخويا أو خالي أو عمي اي رجاله في العيله مسؤلين عني لو كان هذا الشخص مسئول عن تصرفاته هيعتبر ديه موافقه منك وهيعمل ده فورا
اما لو كان غير كده ممكن يقول اصل انا مش جاهز
والكلام اياه ده بتاع استمارة الفقر طيب ياااااااارجل الرسول عليه الصلاة والسلام قال من استطاع منكم الباءة (اعباء الزواج) فليتزوج ومن لم يستطع فعليه بالصيام. صدقت يارسول الله يعني حاشا لله ماقلش ومن لم يستطع يحجز له بنوته او يقضيهاخروجات ومكالمات.
هوه ده اللي ربنا عايزه علشان ينصلح حال المجتمع.
معلش طولت عليكم بس حبيت اذكِر لإن الذكرى تنفع
كلمة لكل رجل مقضيها :
فيه قصة كده عايزه أقولها لك : كان زمان فيه رجل وزوجته وكان يأتي السقا كل يوم ليملئ للمرأه قربتها(حاجه شبه زجاجة الماء دلوقتي) لتستفيد من الماء
وكان زوجها يعمل بالسوق فرأى امرأة اعجبته ففي حين خلسة وهي تشتري منه حاجاتها امسك بيدها فجذبت المرأه يدها منه ومشيت مسرعة حياءا ، فلما عاد للمنزل قالت له امرأته ان السقا (ساقي الماء) عندما جاء حاول يمسك يدها وهو يملئ لها القرب فطردته من البيت ،فنظر لها الرجل وقال (لو زدت لزاد السقا )
يعني لو كان حاول يعمل حاجة تانية كانت اتعملت في مراته
يعني افعل ما شئت فكما تدين تدان